Iraurgi Berritzenek martxan jarritako Gerolan izeneko sentsibilizazio programan parte hartu dute gure ikasle batzuek.

DBH4ean dauden, eta lanbide heziketan interesa duten ikasleekin jarri zituen martxan Iraurgi Berritzenek bi sentsibilizazio saio, Gerolan ekimenaren baitan. Lehen saioan, apirilaren 29an, ikasleekin hausnarketa egitea izan zen helburua; bakoitzak zituen interesak eta gaitasunak argitu, eta horien inguruko lanketa egitea. Modu honetan, ikasle bakoitzak bere etorkizunaren inguruko ikuspegi zabalagoa eta argiagoa izango dute.

Bigarren saioa, berriz, atzo burutu zen, eta, bertan, Izarraitz Lanbide Heziketa zentrora joan ziren, bertako aukerak ezagutzera. Ondoren, Arrieta Mekanizatuak enpresa bisitatzeko aukera izan zuten. Esperientzia positiboa izan da gure ikasleentzat, bailarako eskaintza ezagutzeko helburua bete baitute.