Porrotx eta Marimotots: pagoaren kimua ikastolan

Kilometroen baitan, aurreko igandean “Ez gara jaitsiko” ikuskizunaren bi saio eskaini zituzten Porrotx eta Marimotots pailazo ezagunek Soreasun. Ia larehun ikusleren aurrean aritu ziren, bi saiotan.

Amazonia hizpide hartuta, ikuskizunaren bidez, Amalurra zaintzeko deia luzatu nahi dute pailazoek. Ikusleek irri, kantu eta dantza egiteko aukera izan zuten.

Emanaldiaren amaieran, Porrotxek eta Marimototsek pagoaren kimua oparitu zioten ikastolari. Hemendik aurrera, beraz, ikastolaren sarreran egongo da ikusgai.