Ikasle ohien ahotsak, etorkizunerako zubi

Atzo, ikastolan Orientazio Azoka ospatu zen, eta Batxilergoko ikasleek unibertsitateko graduen inguruko informazio zuzena eta fidagarria jasotzeko aukera izan zuten.

Horretarako, hainbat ikasle ohik beren esperientziak partekatu zituzten, orientazio baliotsua eskainiz.

Azokan, ondorengo ikasle ohiek hartu zuten parte:
🔹 Eneko Larrañaga – Gizarte Hezkuntza
🔹 Kerman Olaizola – Biologia
🔹 Danel Vadillo – Fisika
🔹 Julen Briz – Ingeniaritza Elektronikoa
🔹 Araitz Unanue – Matematika
🔹 Markel Azpeitia – Ikus-entzunezko Komunikazioa

Ekimen honek balio bikoitza du: batetik, Batxilergoko ikasleek informazio praktikoa eta erreala jasotzen dute unibertsitateko ikasketen inguruan; bestetik, ikasle ohiek ikastolarekin duten harremana sendotzen dute. Izan ere, haientzat ikastola oraindik beraien etxea da, eta bertara itzultzea beti izaten da esperientzia berezia.

Ikastolak bere ateak beti zabalik ditu bere ikasleentzat, eta belaunaldien arteko elkarlana sustatzea bere identitatearen parte da. Horregatik, eskerrak eman nahi dizkiegu parte-hartzaile guztiei, etorkizuneko ikasleei bidea argitzen laguntzeagatik.