Harrietan idatzitako denbora

DBH 4. mailako ikasleek irteera berezia egin dute Zumaian dagoen Euskal Kostaldeko Geoparkera. Txango honen bidez, gure kostaldearen historia geologiko paregabea bertatik bertara ezagutzeko aukera izan dute.

Eguna Geoparkeko interpretazio zentroa bisitatuz hasi zuten ikasleek, non gure planetaren iragan geologikoaz eta flyschen sorrera-prozesuaz ikasi zuten. Ondoren, Itzurun eta Algorriko hondartzetara jo zuten, flysch ikusgarriak bertatik bertara behatzeko. Paisaia ikusgarriak ez ezik, milaka eta milaka urteko historia gordetzen duten geruzak ikusi ahal izan zituzten.

Hezkuntza ez da soilik ikasgelan ematen; natur ingurunea ezagutzea eta bertan ikastea ezinbestekoa da gure ikasleen garapen osoan. Horregatik, ikastolatik halako irteerei balio handia ematen diegu, ikaskuntza esanguratsua sustatzen dutelako eta gure ondare naturala balioan jartzen laguntzen dutelako.

Egun aberasgarria eta inspiratzailea izan zen, eta ikasleek esperientzia ahaztezina bizi izan zuten.