Auzolanaren fruitua: ikastola prest ikasturte berrirako

Urtero bezala, aurtengoan ere gurasoek parte hartu dute Besoa egitasmoaren baitan, ikastola ikasleen itzulerarako prest uzteko lanetan. Ikasturte hasiera iritsi baino lehen, auzolan giroan elkartu dira, espazioak txukundu, materialak antolatu eta ingurua atonduz.

Ekimen honen helburua argia da: ikasleek ikastolara itzultzean ingurune garbi, zaindu eta atsegin bat aurkitzea. Baina horrez gain, ikastola komunitatea sendotzea ere bada helburu nagusietako bat eta horretan funtsezkoa da gurasoen parte-hartzea.

🧹 Lanak partekatuz eta denon artean ikastola atontzen, komunitatea eraikitzen da: elkar ezagutuz, harremanak sendotuz eta hezkuntza proiektuaren parte sentituz.

🙏 Eskerrik beroenak auzolanean parte hartu duzuen guztioi! Zuen ekarpena ezinbestekoa da ikastola bizirik eta indartsu mantentzeko.

Ikastola guztion artean eraikitzen dugu!