Azpeitiko Euskal Antzerki Topaketetan murgilduta

Aste honetan, gure Haur Hezkuntzako (HH) eta Lehen Hezkuntzako (LH) ikasleek Azpeitiko Euskal Antzerki Topaketen 42. edizioan parte hartu dute, euskal kulturaren eta antzerkiaren esperientzia aberasgarriaz gozatuz.

Azpeitiko Euskal Antzerki Topaketak, 1983az geroztik urtero udazkenean ospatzen den jaialdia, euskal antzerkiaren arloan erreferente bihurtu dira. Ekimen honek hainbat helburu ditu: euskararen erabilera sustatzea, euskal antzerki taldeak ezagutaraztea eta antzerki berriak sortzea.

Ikasleen parte-hartzearen momentu nagusiak

📍 Corrado Masacciren txotxongilo erakusketa
Ikasleek txotxongilogile italiarraren azken erakusketa ikusteko aukera izan zuten, Betharramen aurkeztu dena. Masaccik 45 urteko ibilbidea ospatu du, eta erakusketarekin erretiroa hartu du.

Azpeitiko Udalak, Kulturazek eta Topic-ek omenaldi hunkigarria eskaini zioten, urteetan egindako lanagatik esker ona adieraziz.

🎭 Andereño antzezlana Soreasuko Antzokian
Ikasleek “Andereño” izeneko antzezlana ikusi zuten. Lan honek askatasuna, elkarlana eta zaintza ardatz hartuta, andereño ausart baten istorioa kontatzen du, zeinak basoan eraikitako eskola eder batean haurren gaitasun guztiak sustatzen dituen.
Zoritxarrez, gerra batek eskola hori suntsitzen du, baina antzezlanak utzitako mezua betikoan gelditzen da: “Libre izateko lehen baldintza saiatzea da.”

Antzerkiaren eta euskararen aldeko konpromisoa

Gure ikasleen parte-hartzea euskararen eta euskal kulturaren aldeko konpromisoaren erakusgarri da. Topaketetan, antzerki talde amateur eta profesionalek parte hartzen dute, eta euskaraz egiten den antzerki jaialdi bakarra izateak balio berezia ematen dio ekimenari.

Euskaraz sortu, euskaraz bizi!