Hari fin batekin komunitatea josten!

Hedatze proiektuaren baitan, DBHko ikasleek jostun tailerrean parte hartu dute ilusioz eta gogoz, Aitziber Salegi gurasoaren gidaritzapean.

Tailer honek aukera paregabea eskaini die ikasleei euren zaletasunak identifikatu eta garatzeko, sormenari eta eskulanari bide emanez.

Josteko teknikak ikasteaz gain, ikasleek euren irudimena askatzeko eta talde lanean aritzeko aukera izan dute. Halako ekimenek, zaletasunak lantzeaz gain, ikastolako kideen arteko harremanak sendotzen dituzte eta komunitatearen kohesioa sustatzen dute.

Zaletasun tailerrak Hedatze proiektuaren barruan kokatzen dira, ikasleen garapen pertsonala eta soziala bultzatzeko helburuarekin. Aitziber Salegiren esperientzia eta gertutasunak tailerra berezi bilakatu dute, eta ikasleen partaidetza aktiboak arrakasta handia ekarri dio ekimenari.

Eskerrik asko Aitziber Salegiri eta parte hartu duten ikasleei, euren lan eta ilusioagatik!