Ikastola, belaunaldi ezberdinen topaleku

Gaur, gure ikastolara San Martin egoitzako bost egoiliar etorri dira eta hiru txoko ezberdinetan aritu dira LH 4. mailako ikasleekin elkarlanean.

Batetik, arte txokoan izan dira. Bertan, hostoak apaindu dituzte, artelan bat osatuz denen artean. Tertulia txokoan ere izan dira, beraien gazte denborako garaiak gogoratuz eta gure gazteen errealitatearekin alderatuz. Gainera, Kilometroetako logoak ere margotu dituzte ikasleekin, ikastola apaintzeko lanetan lagunduz.

Azkenik, Kilometroen ibilbidea ere aztertu dute. Gipuzkoako mapan kokatu dituzte Kilometroak ospatu dituzten herri guztiak eta logo desberdinak aztertzeko aukera izan dute.

Esperientzia zoragarria izan da, momentu oso goxoak bizi izan dituzte eta gogotsu gaude berriro beste topaketa bat egiteko!