Itsasoak kontatutako sekretuak

Lehen Hezkuntzako 1. eta 2. mailako ikasleek Ozeanoen proiektua lantzen ari direla aprobetxatuz, Donostiako Aquarium-eko adituak gure ikastolan izan ditugu.

Bisita berezi honetan, itsasoaren sakoneko sekretuak, animalia bitxien egokitzapenak eta ozeanoek gure planetan duten garrantzia azaldu dizkiete ikasleei.

Saioan zehar, ikasleek galdera ugari egin dituzte eta jakin-min handiz aritu dira. Adituek ekarritako materialak eta azalpen biziek ikasleen arreta piztu dute, eta ozeanoen mundua gertutik ezagutzeko aukera paregabea eskaini diete.

Gure hezkuntza-proiektuan, pertsona eredu gisa ikasle parte-hartzaile eta ekintzaileak sustatu nahi ditugu. Horretarako, ikerketa-prozesuak eta esperientzia aberasgarriak funtsezkoak direla uste dugu. Aquarium-eko adituen bisita honek, zalantzarik gabe, ikasleen jakin-mina elikatu du eta ikertzen jarraitzeko motibazioa indartu.

Esperientzia zirraragarria eta inspiratzailea izan da, eta ziur gaude ozeanoen proiektuak aurrera jarraituko duela indar berrituekin. 🌊🐠