KIROL EGITURARI BURUZKO GOGOETA

Dakizuen bezala, pasa den urriaren 18an, asteazkena, burutu zen Ikastolan Kirol egiturari buruzko gogoeta mahai ingurua. Bertan bildu ziren estamentu desberdinetako ordezkariak (EHIko aisialdia, Udala, Ikasberri kirol elkartea) gure ikastolako guraso talde batekin kirolari buruzko iritziak partekatzeko.

Bestalde, eta gogoetarekin jarraituz, datorren asteazkenean, azaroak 8, izango da hurrengo bilera ikastolako erabilera anitzeko gelan, arratsaldeko 19:00etatik 21:00etara. Esan beharrik ez dago bertako ateak irekiak daudela guztiontzat.

Bertan ikusiko gara!