Mariren kobazuloan: Euskal Mitologiaren argia

Euskal Mitologiaren munduak Haur Hezkuntzako ikasleak magiaz betetako bidaia batera gonbidatu ditu.

Ikasleek, lehenik eta behin, mitologiako pertsonaiak eta kondairak ezagutzeko aukera izan dute, pertsonaien itxura fisikoa, ezaugarriak eta istorioak landuz.

Bidaia honetako momenturik bereziena Mariren kobazuloan murgiltzea izan da, non Euskal Herriko mitologia bizirik mantentzen duten pertsonaiak bertan aurkitu dituzten. Kobazuloan izan duten esperientzia horrek ikasleei tradizioen eta kulturaren garrantziaz hausnartzeko aukera eman die.

Ikasleek, gainera, arteko txokora hurbilduz, eguzkilore handi baten lanketarekin hasi dira, eta orain banakako lanak egiten ari dira. Sormenaren bidez, ikasleek kultura eta tradizioak bizirik mantentzea da helburu nagusia, eta euren lanak erakusgai jarri dituzte, Euskal Mitologiaren arimarekin bat eginez.

Bidaia honek ikasleei ez ezik, gurasoei eta irakasleei ere kulturaren balioa eta euskaldunon ondarearen garrantzia aldarrikatzeko aukera eman die. Euskal mitologiaren sekretuak eta aberastasunak ezagutuz, txikienek etorkizuneko belaunaldiek ere tradizio horietan murgiltzeko aukera izango dutela bermatzen dute. 🌻🎨