Taldean ikasten, taldean esperimentatzen

LH5eko ikasleentzat astea benetan borobila izan da, ikaskuntza eta esperientzia ahaztezinen arteko oreka ezin hobea aurkituz.

Modu honetan, gure marko pedagogikoaren hiru ikaste mota –ikaskuntza esperimentala, gidatua eta aktiboa– praktikan jarraitzen jartzeko aukera izan dute, hainbat ekintzatan parte hartuz.

Lehenik eta behin, ikaskuntza esperimentala lantzen jarraitu dute, zirkulazio autonomoaren bidez. Ikasleek proposamen ezberdinak garatu dituzte, adin tarteak nahastuz eta elkarri lagunduz. Metodologia honek haien autonomia eta elkarlana sustatu ditu, giro positibo eta lagunkor batean.

Horrez gain, ikaskuntza gidatua ere protagonista izan da. Harreraren inguruko eduki berriak ikasteko eta ulertzeko saio bereziak egin dituzte, kontzeptuak sakonago ulertzeko aukera emanez.

Astea biribiltzeko, ikaskuntza aktiboan murgildu dira unibertsoaren inguruko lanketan. Gai honek arreta handia piztu die, eta gaur, ostirala, Zientzia Museoa eta Planetariuma bisitatu dituzte. Esperientzia aberasgarria izan da, ikasitakoa errealitatearekin lotzeko aukera paregabea eskainiz.

Baina ikaskuntzaren ostean, merezitako aisialdirako unea iritsi da. Txuri-Urdin patinatze jauregian egun zoragarria igaro dute, elkarrekin barre egin eta laguntasuna indartuz.

Aste borobil honek gure ikasleei motibazioa eta gogoa eman dizkie lanean jarraitzeko. Orain, asteburuan atseden hartu eta indarberrituta itzuliko dira hurrengo erronkei aurre egiteko prest.