Txikien eskuetan, lurra biziberritzen

Haur Hezkuntzako ikasleek naturarekin duten lotura sendotzeko urrats berri bat eman dute ikastolan. Neguko atsedenaldiaren ondoren, lurra “esnatu” eta berriro ere landaketa lanekin hasi dira, ikasleek gehien maite duten guneetako batean.

Proiektu honen bidez, txikienek lehen eskutik ikasten dute naturaren zikloak nola funtzionatzen duen: lurra prestatu, haziak erein, ureztatu eta, pixkanaka, fruituak nola hazten diren behatuz. Jarduera honek, gainera, esperimentazioa eta jakin-mina sustatzen ditu, ikaskuntza modu praktiko eta esanguratsuan bizitzeko aukera eskainiz.

Ikastolako hezkuntza-proiektuaren baitan, helburu nagusietako bat ikasle autonomoak eta ekintzaileak heztea da. Baratzean egiten duten lanari esker, haurrek erantzukizuna, lankidetza eta ingurumenarekiko errespetua bezalako balioak barneratzen dituzte.

Irakasleen esanetan, naturarekin kontaktuan hazteak onura ugari ditu garapen integralerako, eta horregatik, halako ekimenek gero eta pisu handiagoa dute eguneroko jardunean. Ikasleen ilusioa eta parte-hartzea ikusita, argi dago baratzea ez dela soilik ikasteko espazioa, baizik eta gozatzeko eta elkarrekin hazteko tokia ere badela.