Albisteak

ESKOLAKO AGENDA 2030 programak antolaturiko Energia aurrezteko ekintza proposamenen lehiaketa martxan jarri zen Ikastolan pasa den asteetan. DBHko ikasleak izan ziren partehartzaileak eta sari ederrak eskuratzeko aukera izan zuten. Hona hemen emaitza batzuk. Eskerrik asko guztioi eta egin dezagun hobetzeko keinua denon artean,  ingurumena zainduz Aurreztu energia!

Urola Bailaran 2009. eta 2010. urteen artean jaiotakoen artean, lehen bi saridunak Ikastolako ikasleak izan dira, Irati Labaka( 1.saria) eta Ekhi Lazkano( 2.saria).Aurten gaia librea izan da eta Internetez bidali behar izan dituzte bertsoak. ZORIONAK biei!

Eman du ikastolako baratzak ere bere fruitua, HHko ikasleek landatutako letxugak prest daude. Hauekin egindako entsaladak dastatu ahal izan zituzten pasa den ostegunean ikasleek.

Funtzionamendu Azpibatzordeak, ekainaren 22rako  "Pantailak eta Emozioak" titulupean, azken hilabeteetako egoeraren inguruko hausnarketa egin nahian hitzaldi-solasaldia antolatu du.  Animatu. 

Azken egun hauetan, DBH 4ko ikasleek DYAko arduradunek eskainitako Lehen Sorospen ikastaroaren jarraibideak adi jarraitu dituzte.Larrialdi egoeratan jokatzen jakitea erraza da. Eta batzuetan bizitza bat salbatzeko nahikoak direla ezagutza soil batzuk argi azaldu zizkieten Osasun arduradunek.Erreanimazioaren teoria eta ezinbestekoa den saio praktikoa.

Euronet 50/50 proiektuaren baitan, energia taldeko ikasle taldeak gure ikastolako energia erabilpenari buruzko diagnosia egin du. Ikusi bideoa.

Ikastolen Elkarteko lehendakari den Koldo Tellituk iritzi artikulua argitaratu du Esukal Curriculumari buruz. Irakurri artikulua. 

Euskal Curriculumaren inguruan maiatzaren 25 eta 26an egin ziren topaketak zuzenean jarraitzeko aukera izan ez zenutenontzat, hona hemen saioen grabazioak.

Elkarrekin Eraikitzen proiektuaren azken fasean sartuak gara jada DBH 3ko ikasleekin. Hori dela eta, proiektu honi lotura emateko, maiatzaren 25ean Izarraitz Lanbide Heziketa ikastetxeko arduraduna gurera bertaratu zen,  beren zikloen eskaintza azaltzera. Esperientzia baliagarria izan zen.

BIHAR. "Euskal curriculumetik eraikitako hezkuntza"-ri buruzko solasaldiak izango dira maiatzaren 25 eta 26an. Online jarraitu ahal izango dira ondorengo loturan: https://ikastola.eus/bihar/piztu 

Gaur, maiatzak 17, Homofobiaren, Transfobiaren eta Bifobiaren aurkako Nazioarteko eguna denez,  gure ikastolan egunari bere lekua emanez, ikastolako Autoantolaketa taldeak hainbat ekintza burutuko ditu. Hala nola, hainbat gelatan dinamika batzuk landuz eta guztion ikusgai izateko aldarrikapen kartelak.

Ikastetxeei zuzendutako NI ZU = sentsibilizazio programari esker L.H 6 eta D.B.H 1eko ikasleek, ATZEGI elkarteko lagunen bisita izan dute gaur. Bertan desgaitasuna duten pertsonek, beste edozeinek bezala, zaletasunak eta ohiturak dituztela erakutsi digute eta gai direla lan profesional eta konpetitiboak egiteko. 

Orriak