Nor Gara ?

Urola bailaran herri ekimenaren bidez sortutako irabazi ­asmorik gabeko hezkuntzarako kooperatiba bat osatzen dugu. Euskalduna, anitza eta berritzailea.

Ikastolaren xede nagusia, pertsonak bizitzarako heztea da. Izateko heztea. Ikaslea ardatz, hauek dira beren garapen integralaren bidean subjektu aktiboak. Ikastolan, berezkoak dituzten gaitasun pertsonal eta sozialak indartu nahi ditugu, euren potentzialtasuna modu autonomo batean garatzeko. Zoriontasuna helburu.

Hezkuntza eredu propio eta berritzaile bat da gurea, Euskaratik abiatuz eleaniztasunera eta Euskal Kulturatik mundura irekia. Hau guztia zerbitzuaren kudeaketan familien eta langileen parte hartze zuzenarekin eta irakasleen etengabeko prestakuntzaz egiten dugularik. Euskal Herriko Ikastolen europar kooperatiba elkarteko kide gara, beste ikastolekin batera. Herrira zabaldua, gure bailaran hainbat hamarkada daramatzan ikastolen mugimenduari eutsi nahi diogu, indartu eta eguneratuz, bailarako herrietako elkarte eta eragile desberdinekin elkarlanean.