Gabon hauetan Ikastolen Elkarteko jolas berriak

Dakizuen moduan hamaika dira urteotan guztiotan Ikastolen Elkarteak sortu dituen jolasak.  Argitxorekin lotura zuzena izan dutenak, batez ere txikienentzako sorturiko jolasak,  eta ikasgelatik kanpo ere euskaraz egin dezaten bultzatzeko sorturiko beste hainbat joko ere. 

Aurtengo jolas berriak bi dira:

ARGITXOREN MARRAZKIAK KOLOREZTATZEKO.

3 urtetik aurrerako haurrentzako berariaz egina. Alboko marrazki koloreztatuari begira margotzeko, edota haurrak nahi duen bezala egiteko, bere sormena lantzeko eta kolore desberdinekin jolastuz trebatzeko. Argitxoren ezaugarriak ere azaltzen dira orrietan barrena.

ZAZPIAK BAT KARTA JOLASA

Zazpiak bat karta jolasarekin Euskal Herria ezagutzeko aukera paregabea duzue, eta, bide batez, baita euskararekiko eta euskal kulturarekiko atxikimendua indartzeko ere. Euskal Herriko 7 herrialdeetan barrena murgiltzeko 6 gai-mota ezberdin proposatzen ditugu:
• HIRIBURUAK
• ARTEA/MUSIKA
• NATURA
• INAUTERIAK
• GASTRONOMIA
• KIROLA

Jolasteko hiru modu:
• MEMORIA JOLASA +6urte
• FAMILIA JOLASA +8 urte
• TALDE JOKOA +10urte

…edo piztu zuen irudimena eta asmatu jolaserako zeuon aldaerak!